PSJ-dən di Mariya üçün rekord təklif

Paris təmsilçisi "kral klubu"na 80 milyon avro təklif etməyə hazırdır.

Tərəflər arasında razılıq əldə olunarsa, bu, "Real" üçün rekord göstərici olacaq. Hər zaman transferlərə böyük məbləğdə pul xərcləməsi ilə diqqət çəkən "kral klubu" bu dəfə yüksək gəlir əldə edə bilər. Buna qədər Madrid təmsilçisi Məsut Özilin "Arsenal"a keçidindən 50 milyon avro qazanmışdı. Argentina millisinin üzvünün PSJ-yə keçidi ilə "Real" transfer tarixində rekord gəlir əldə edəcək.

Di Mariyanın transferində yeganə problem Maliyyə "fair-pley" qaydalarının pozulmaması şərtidir ki, UEFA da PSJ-yə digər futbolçuları satmaqla bu əngəli aradan qaldırmağa icazə verib.

Qeyd edək ki, Anxel di Mariyanın "Real"da qalmaq istəmədiyi bildirilir./qol.az/

Ölkə.Az