Sahibini buraxıb qonşuya köçən pişiyi məhkəməyə verdilər
"Ölkə.Az" xəbər verir ki, Fiocco adlı 4 yaşlı pişik sahibindən ayrılıb başqa bir evdə yaşamağa başlayıb. Hadisə məhkəməyə qədər gedib çıxıb.
Pişik Cenovanın Struppa məhləsində yaşayan bir qadının imiş. Amma Fiocco sahibəsinin evindən ayrılaraq qonşuda yaşamağa başlayıb. Sahibəsi bunu öyrəndikdən sonra məhkəməyə müraciət edib.
Məhkəmənin hökmü ilə hakim Emilio Gatti pişiyin ilk sahibinə verilməsinə dair qərar çıxarıb. Qonşu qadın isə məhkəmənin qərarından appelyasiya şikayəti verib. Bunun üçün hətta vəkil də tutub. Vəkil Fabio La Mattina isə pişiyin yeni sahibəsinə aid fotoları və veterinar sənədləri məhkəməyə təqdim edib. Bundan sonra məhkəmə pişiyin ikinci sahibəsinin evində qalması barədə qərar qəbul edib. Hakim bildirib ki, ikinci sahibi ilə yaşamaq pişiyin öz qərarı olub.
Hikmət
Ölkə.Az
