Berluskoninin məşuqələri, Bill Klintonun eşq macərası

"Ölkə.Az" bu gün oxucularına müasir tarixin ən səs-küylü siyasi qalmaqallarını təqdim edir.

Uoterqeyt qalmaqalı

ABŞ-da 1972-ci ilin yayında, prezident seçkilərinə 4 ay qalmış baş verən ən səs-küylü siyasi qalmaqallardan biridir. "Uoterqeyt" otelində 5 nəfər saxlanılıb. Onları "Demokratlar" partiyasının namizədi Corc Makqovernin seçkiqabağı qərargahını dinləmək üçün qurğu yerləşdirəndə saxlayıblar.

Şübhələr ikinci müddət üçün prezident seçilmək istəyən dövrün prezidenti Riçard Niksona yönəldi. Hələ bu qalmaqala qədər onun əlində Demokratların səs danışıqları var idi.

Baş verən qalmaqal Niksona qələbə qazanmağa mane olmadı. Amma Konqressin təşəbbüsü ilə "Uoterqeyt" istintaqı davam edir. Niksonla aparat rəhbərinin səs yazısı ortaya çıxır. 1973-cü ilin yanvarında məhkəmə başlayır. İşə maraq böyüyür. "Vaşinqton post" qəzetinin əməkdaşları istintaq motivləri əsasında iki kitab yazırlar. Məhkəmə prosesində prezidentin yaxın çevrəsinə dair kriminal faktlar üzə çıxır: müşavirlər, baş prokuror, Niksonun seçki kampaniyasının maliyyə direktoru.

1974-cü ildə ABŞ Təmsilçilər Palatası impiçment prosedurunun başlanması barədə məlumat verir. Ali Məhkəmənin tələbi ilə Palata 5 avqust tarixində Niksonun bu məsələyə aid səs yazısını təqdim edir. 4 gün sonra, yəni 1974-cü ilin 9 avqust tarixində Nikson istefaya gedir.

Macarıstan prezidentinin doktorluq dissertasiyası

1992-ci ildə macar siyasətçi və Olimpiya komitəsinin sədri Pal Şmitt doktorluq dissertasiyasını müdafiə edir. Dissertasiyanın mövzusu Olimpiya Oyunları idi. 20 il sonra, artıq prezident postunu tutan Palı plagiatda ittiham edirlər.

Məlum olur ki, onun dissertasiyası bolqar idmançısı Nikolay Georgiyevin yazdığı əsərdən götürülüb. 3 gün sonra isə siyasətçi prezident postunu təhvil verdiyini elan edir.

Bill Klintonun sevgi oyunları

1998-ci ildə ABŞ-ın 42-ci prezidenti Bill Klintonun adı ilə bağlı siyasi qalmaqal bütün dünyada geniş rezonansa səbəb oldu. Bu qalmaqal prezidentin gənc praktikant Monika Levinski ilə intim münasibətlərinə aid idi. 1995-ci ildə Monika Ağ Evdə işə düzəlir və növbəti iki il ərzində prezident Klintonla seks münasibətləri qurur.

Əgər Monikanın rəfiqəsi telefon danışığını yaymasaydı, bu roman gizli qalardı. Telefon səsyazmasında Levinski prezidentlə münasibətini təfərrüatı ilə danışır. Əvvəlcə Klinton Monika ilə seks faktını inkar edir, birinci xanım Hillari də ərinin müdafiəsinə qalxır.

Bir müddət sonra Monika prezidentlə oral sekslə məşğul olduğunu bəyan edir. Artıq məhkəmədə Klinton həqiqətən də qızla fiziki yaxınlıq etdiyini etiraf edir. Bu yalan amerikalı siyasətçinin az qala impiçmenti ilə nəticələnəcəkdi.

İrlandiya baş nazirinin müsahibəsi

2010-cu ilin 14 sentyabrında İrlandiyanın baş naziri Brayan Kouen Dublin radiostansiyalarından birinə müsahibə verir. O, hökumətin iqtisadi siyasətinə dair adi suala cavab verə bilmir, ölkə tarixinin bir neçə vacib faktı dəyişik salır. Məlum olur ki, müsahibədən əvvəl baş nazir və onun müşaviri spirtli içki qəbul edib.

İrlandiyada içki içmək normal qəbul edilir. Amma baş nazirin hərəkəti irlandların qəlbinə toxunur. Hətta Brayanın mənsub olduğu partiya təmsilçiləri də onun istefasını tələb edirlər. 2011-ci ilin 11 yanvar tarixində Kouen postu təhvil verir. Onun istefasına sərxoş vəziyyətdə müsahibə verməsindən başqa ölkədəki ağır iqtisadi vəziyyət də səbəb idi.

Georgiy Qonqadzenin qətli

Georgiy Qonqadze "Ukrayna həqiqəti" portalının banisi, prezident Leonid Kuçma və onun yaxın çevrəsinin kriminal fəaliyyətini işıqlandıran ukraynalı jurnalistdir.

2000-ci ildə jurnalist izlənildiyini bildirir. "Jiquli" markalı avtomobil hər yerdə onu təqib edir. 2 ay sonra, 16 sentyabr tarixində Georgiy itkin düşür. 2 noyabr tarixində Kiyevdən yüz kilometr aralıda yerləşən meşədə onun başsız meyitini tapırlar. Sosialist partiyasının lideri Aleksandr Moroz ölkə rəhbərliyinin jurnalistin qətlində günahkar olduğunu sübut edən səsyazısının əlində olduğunu bildirir. Bu səs yazısı prezidentin mühafizəçisi Nikolay Melniçenko tərəfindən qeydə alınıb.

Qalmaqal kütləfi etiraz aksiyalarına səbəb olur. Bir çox ekspertin fikrinə görə, bu, "Narıncı İnqilab" üçün zəmin yaratdı. 2011-ci ildə Leonid Kuçmaya qarşı məhkəmə işi qaldırılır. Bir il sonra isə məhkəmə səs yazısının günahlandırmaq üçün kifayət etmədiyini bildirərək işi bağlayır.

Silvio Berluskoninin macəraları

İtaliyanın eks baş naziri Silvio Berluskoni dəfələrlə qalmaqalların fiqurantı olub. Onu mafiya ilə əlaqəli olmaqda, Masson lojasına üzv olmaqda ittiham ediblər. Sabiq baş nazir həm də vergi fırıldaqçılığı və homoseksuallıqda ittiham edilib. Homoseksuallıq iddiası heç bir tənqidə dözə bilmədi. Çünki Berluskoninin ən zəif cəhəti qadınlardır.

Paparazzi dəfələrlə Berluskonini yüngül əxlaqlı qızların ətrafında lentə alıb. Baş nazir yetkinlik yaşına çatmayanlarla da intim münasibətə girib. Məlumdur ki, Silvio 17 yaşlı Rubi adlı qıza seks-gecəsində iştirak etmək üçün pul verib.

Əlavə etmək lazımdır ki, Berluskoninin villasında keçirilən bu tip gecələr barədə şayiələr dolaşır. Bildirilir ki, Silvio siyasi partnyorlarına yetkinlik yaşına çatmayan fahişələr sifariş edib. Deyəsən, bu şayiələr reallığı əks etdirir. Çünki 2011-ci ildə bu məsələ ilə bağlı iki cinayət işi qaldırılıb. Eyni ildə Berluskoni baş nazir postunu tərk edir.

Hikmət
Ölkə.Az