Siqaret çəkənlərə pis xəbər

“Ölkə.Az” xəbər verir ki, bu barədə Ümumdünya Səhiyyə Təşkilatının (ÜST) apardığı statistikada bildirilir. Həmçinin hesablamalara görə, siqaret çox çəkilən ölkələrdə bu 1,4 milyon dollara başa gəlir.

“Siqaret çox çəkilən ölkələrdə bu böyük məbləğdə pul itkisidir. Bir il ərzində təxminən 1,4 milyon dollar siqaret çəkilməsinə xərclənir. Siqaretdən yaranmış xəstəliklərin sayı da durmadan artır. Hər il 10 milyona yaxın insan pütün tüstüsündən sağlamlığını itirir. İldə 7 milyon insan dünyasını dəyişir”, - deyə sənəddə bildirilib.

Ümumdünya Səhiyyə Təşkilatının baş direktoru Marqaret Çen isə hesabatda bildirib ki, siqaret həm də ailələrin dağılmasına və sonsuzluğa səbəb olur.

“Tütün hamımız üçün təhlükədir. Siqaret yoxsulluğu artırır, iqtisadi səmərəliliyi azaldır, ailənin qida rasionunu zəiflədir, binaların daxili havasını çirkləndirir. Sonsuzluq yaradır. Aiələrin dağılmasına səbəb olur", - deyə Marqaret Çen bildirib.

Marqaret Çen hesab edir ki, bu problemlə vergi idarələri daha effektli mübarizə apara bilər. Hər il tütün məhsullarına görə 270 milyon dollar vergi toplansa da, mütəxəssislər bu məbləği 2-3 dəfə qaldırmağı təklif ediblər. Bu səbəbdən də, Marqaret Çen təklif edib ki, bütün ölkələrdə siqaretə görə tətbiq edilən aksiz vergisi azı 2-3 dəfə qaldırılsın. Bununla da, dünyada siqaretin qiyməti istər-istəməz bahalaşacaq. Bu amil də, dünyada siqaret çəkənlərin sayının azalmasına səbəb olacaq.

Qeyd edək ki, Azərbaycanda aparılan təxmini hesablamalara gəldikdə, kişilərin 40-60 faizi, qadınların isə 2-10 faizi siqaret çəkir.

Ziya Saccad
Ölkə.az