Əfqanıstanda dəhşətli terror aktı

Əfqanıstanın paytaxtı Kabulda baş verən terror aktında ölənlərin sayı 80-ə çatıb. 350 nəfər yaralanıb. Bombalanmış avtomobilin partlayış dalğası o qədər güclü olub ki, şəhərin hər yerində hiss edilib. Binaların bir çoxu dağılıb. 30 avtomobil yararsız hala düşüb. Hücum bir su tankerinə yerləşdirilən bomba ilə təşkil edilib.

***

Kabulda törədilən dəhşətli terror aktı nəticəsində ölənlərin sayı 49-a çatıb. Bundan başqa 300 nəfər xəsarət alıb.

***

"Ölkə.Az" xəbər verir ki, Almaniyanın Əfqanıstandakı səfirlik binası yanında törədilən terror aktı nəticəsində 10 nəfərdən çox insan həlak olub. Bu barədə Kabul polisi məlumat yayıb. Məlumata əsasən minalanmış avtomobil partladılıb. İnsident nətticəsində 100-dən çox insan yaralanıb.

Bundan başqa partlayış nəticəsində Yaponiya səfirliyinin iki əməkdaşı yaralanıb. Bildirilir ki, yapon diplomatların aldığı xəsarət o qədər də ciddi deyil. Partlayış dalğası Yaponiya səfirliyi binasının şüşələrini çilik-çilik edib.

Partlayış nəticəsində "Sinxua" agentliyinin yerləşdiyi bina da ziyan çəkib. Partlayış dalğası birinci mərtəbədəki bütün şüşələri sındırıb.

Hikmət
Ölkə.Az