Alimlərin yeni iddiası
Alimlərin fikrinə görə, Saturn planetinin peyki Enselad qədimdə aşıb.
"Ölkə.Az" xəbər verir ki, planetin buz peyki çox güman ki, uzaq keçmişdə çevrilib və bununla da fırlanma oxunu dəyişdirib. "Cassini" kosmik aparatının əldə etdiyi fotolardan məlum olub ki, buna səbəb başqa bir kosmik cisimlə toqquşma ola bilər.
"Cassini" komandasının üzvü Radvan Tacəddin deyib: "Biz hovuz və ya ovalıqlardan ibarət zəncir gördük. Fikrimizə əsasən bu qədim ekvator və qütblərin qalıqlarıdır".
Hazırki cənub qütbü geoloji cəhətdən aktiv sayılır. Alimlərin fikrinə görə qədimdə bu əraziyə, yəni ekvatora yaxın olan hissəyə asteroid dəyə bilərdi.
Tacəddinin fikrinə görə, bu bölgənin geoloji aktivliyinə daxili proseslər səbəb olub. Bu anomal bölgənin yaranmasına zərbə səbəb olub.
Hikmət
Ölkə.Az
