Tacikistanda yeni qərar
Tacikistanda tütün və spirtli içki reklamını qadağan edən qanun qəbul edilib.
"Ölkə.Az" xəbər verir ki, "Reklam haqqında" və adminstrativ qanun pozuntuları barədə kodeksə edilən uyğun dəyişikliklər Tacikistan parlamentinin aşağı palatası tərəfindən təsdiqlənib.
Bundan sonra tütün məmulatları və spirtli içki istehsalçıları reklam sponsoru və hansısa tədbirin sponsoru kimi çıxış edə bilməyəcəklər. Bundan başqa nə dövlət, nə də özəl televiziya kanallarının informasiya proqramlarında, xəbər proqramlarında, radioda bu məhsulların reklam çarxları yayımlanmayacaq. Beləcə, ölkədə tütün və spirtli içkinin istənilən reklamı qadağan ediləcək.
Bundan başqa parlament tütün məmulatlarının istifadəsinə məhdudiyyət barədə qanunu da nəzərdən keçirir.
Hikmət
Ölkə.Az
