Con Lennonun mənzilində qadın və iki uşaq meyiti tapıldı
İngiltərənin Liverpul şəhərində qəribə hadisə baş verib.
"Ölkə.Az" xəbər verir ki, əfsanəvi Con Lennonun yaşadığı evdə qadın və iki uşağın meyiti tapılıb.
Verilən məlumata əsasən, meyitlər mənzilin birinci mərtəbəsində olub. Qətlin 30 yaşlı kişi tərəfindən törədildiyindən şübhələnirlər. O, xəstəliyi səbəbindən xəstəxanaya yerləşdirilib. Polisin versiyasına görə, cinayət məişət zəmnində törədilib.
Con Lennonun mənzilində iki azyaşlı uşağı olan ailə yaşayırmış. Bina sakinləri bildiriblər ki, "Beatles" qrupunun fanatları müntəzəm olaraq mənzilə baş çəkirlər. Musiqiçi 1962-ci ildə Sintiya Pauell ilə evləndikdən sonra bu mənzildə yaşayıb. Mənzil qrupun meneceri Brayan Epstayna məxsusdur.
Hikmət
Ölkə.Az
