Karakasda etiraz nümayişləri

"Ölkə.Az" xəbər verir ki, nümayişlərdə 17 yaşlı gənc həlak olub. Bundan başqa 196 nəfər xəsarət alıb. Bu barədə məlumatı paytaxt bələdiyyəsinin sədri David Smolanski verib. Məlumatda deyilir: "196 nəfər xəsarət alıb. Onlardan 22-i gözyaşardıcı qaz bombasından xəsarət alıb. Bir nəfərin sınıqları var, bir nəfər də reanimasiya şöbəsinə yerləşdirilib. Bundan başqa, bir nəfərin həlak olduğu barədə məlumatımız var".

 

Qeyd edək ki, aprel ayından Venesuelada hakimiyyətə qarşı etiraz aksiyaları keçirilir. Aksiyalar zamanı 3 min nəfər həbs olunub. Onlardan bir neçə yüzü hərbi tribunala çıxarılıb. Aksiyalarda min nəfər xəsarət alıb. 80 nəfər yaxın insan isə həlak olub.