Tereza Mey Britaniya parlamentinə keçirilən seçkilərdə iştirak etdi
Britaniyada növbədənkənar parlament seçkiləri keçirilir.
"Ölkə.Az" xəbər verir ki, Britaniyanın baş naziri və Konservatorlar partiyasının lideri Tereza Mey seçkilərdə iştirak edib. Britaniya mətbuatının xəbərinə əsasən, Mey və həyat yoldaşı İngiltərənin cənubundakı Berkşir qraflığındakı seçki məntəqələrinin birində səs veriblər.
Qlazqodakı seçki məntəqəsində Şotlandiya məsələləri üzrə nazir və Şotlandiya milli partiyasının sədri Nikola Stercen səsvermədə iştirak edib.
Palatadakı 650 yerə konservatorlar, leyboristlər, liberal demokratlar, "Birləşmiş Krallığın Müstəqilliyi" partiyası, Şotlandiya milli partiyası namizədliyini irəli sürüb. Əsas mübarizə hakim Konservatorlar və müxalif Leyboristlər arasında gedəcək.
Hikmət
Ölkə.Az
