ABŞ-dan Rusiyaya yeni

"Ölkə.Az" xəbər verir ki, yeni layihəyə görə, sanksiyalar bu dəfə Rusiya banklarına tətbiq edilə bilər. Qanun təsdiq olunarsan, bu zaman amerikalı biznesmenlər və şirkətlər Rusiya bankları ilə maliyyə əməliyyatları aparmayacaq. Qadağalar 90 gün müddətinə nəzərdə tutulub.

Yeni qanun layihəsində həm də nəzərdə tutulub ki, Rusiya enerji maliyyələşdirmələrinə də qadağalar tətbiq edilsin. Bu sahədə tətbiq ediləcək qadağalar 30 gün müddətinə nəzərdə tutulub.

Qeyd edək ki, Rusiya ilə Qərbin münasibətləri 2014-cü ildə Ukrayna-Krım məsələsinə görə pisləşdi. ABŞ və Avropa Birliyi Rusiyaya qarş sanksiyalar tətbiq etməyə başladı. ABŞ-ın 44-cü prezidenti Barak Obama hakimiyyətinin son günlərində Rusiyaya qarşı ardı-ardına 100-ə yaxın sanksiyalar tətbiq edib. Rusiya hökuməti isə ABŞ-ın 45-ci prezidenti Donald Trampın həmin sanksiyaları yüngülləşdirəcəyi, yaxud ləğv edəcəyi barədə ümid etsələr də, son baş verənlər Putin hakimiyyətinin bu arzusunu “ürəyində” qoydu.

Ziya Səccad
Ölkə.Az