Emmanuel Makron: "İngiltərənin Aİ-də qalması üçün qapı hələ açıqdır"

"Ölkə.Az" xəbər verir ki, Mey Yelisey sarayında Fransa prezidenti Emmanuel Makron tərəfindən qarşılanıb. Görüşdən sonra tərəflər mətbuat konfransı keçiriblər. Konfransda terrorla mübarizənin önəminə vurğu qoyularaq, bu mövzuda İngiltərə və Fransanın ortaq hərəkət etmək barədə razılaşdıqları bildirilib.

 

Makron deyib: "Tədbirlərdən biri də düşmənçiliyin və terrorun internetdə təşviq edilməsinin qarşısını almaqdır".

 

Bundan başqa İngiltərənin Aİ-dan çıxmaq məsələsinə toxunan fransalı prezident qeyd edib: "Birləşmiş Krallığın Avropa İttifaqında qalması üçün qapı hələ də açıqdır". Bununla yanaşı Makron Breksit qərarının Britaniya xalqı tərəfindən qəbul edildiyinə hörmətlə yanaşdığını da qeyd edib.

 

Tereza Mey isə terrora qarşı mübarizədə əməkdaşlıq etməyin vacib olduğunu qeyd edərək iki dövlətin bu məsələdə ortaq qərarlar qəbul etdiyini bildirib: "Birləşmiş Krallıq və Fransa radikal məzmunmu materialları məhdudlaşdırmaq üçün internet şirkətlərinə təzyiq edəcək".