Londondakı yanğınla bağlı dəhşətli açıqlama
Londonda dünən yanaraq kül olan 24 mərtəbəli yaşayış binasında neçə nəfərin həlak olduğu barədə dəqiq məlumat yoxdur.
"Ölkə.Az" xəbər verir ki, axtarış-xilasetmə işləri zamanı sağ qalan kiməsə rast gəlmək ehtimalı sıfıra bərabərdir. Bu barədə London yanğından mühafizə idarəsinin direktoru Denni Kotton məlumat verib.
Kotton açıqlamasında bildirib ki, binanın üst mərtəbəsinə qədər qalxıblar. Amma təhlükəsizlik səbəbindən binada geniş miqyaslı axtarış aparılmayıb.
İdarə rəisi həm də qeyd edib ki, yanğında həlak olanların sayı barədə dəqiq məlumat yoxdur. Yanğınsöndürənlərin təhlükəsizliyi tam təmin edildikdən sonra binada axtarış işləri başlayacaq. Amma sağ qalan kiməsə rast gəlmək ehtimalı yoxdur.
Dünən verilən açıqlamada isə ən azı 12 nəfərin həlak olduğu bildirilmişdi. Binada 120 mənzil var və 600 nəfər yaşayır.
Hikmət
Ölkə.Az
