Putin Abramoviçə gizli tapşırıq verib

The Independent: Putin Abramoviçə DÇ-2018-i almağı tapşırıb.

Ölkə.Az The Independent nəşrinin yaydığı məlumata istinadən xəbər verir ki, DÇ-2018 və DÇ-2022 idman yarışlarına ev sahibi olacaq ölkələrin seçkisi ərəfəsində Rusiya Federasiyasının prezidenti Vladimir Putin "Çelsi" klubunun sahibi Roman Abramoviçə xüsusi tapşırıq verib. Nəşrin iddiasına görə, Putin Rusiyanın mötəbər yarışlara ev sahibliyini təmin etmək üçün Abramoviçə oliqarxlardan ibarət xüsusi qrup formalaşdırmağı tapşırıb.

The Independent yazır ki, Roman Abramoviç bir neçə dəfə CAR-da FİFA-nın prezidenti Yozef Blatterlə gizli görüşlər keçirib.

Xatırladaq ki, bir müddət əvvəl Britaniya KİV-də FİFA və UEFA-nın DÇ-2018 və DÇ-2022 ev sahiblərinin müəyyən edilməsində korrupsiyaya əl atması haqqında xəbərlər yayılmışdı.

Rəşid Mustafazadə

Ölkə.Az