Dəyanət Rzayev: "Məncə, o körpünü bağlasınlar"

Dünən Bakıda daha bir nəfərin intihar etmək məqsədilə metronun "Koroğlu" stansiyası yaxınlığındakı körpüyə çıxması bu tikili barədə maraqlı fikirlərin səslənməsinə səbəb olub.

Ölkə.Az-a danışan psixoloq Dəyanət Rzayev metronun "Koroğlu" stansiyası yaxınlığındakı körpünü bağlamağa çağırıb.

"Bu cür intihar vasitəsinə əl atan insanlar ruhi xəstə olanlardır. Körpüyə çıxanların sayının artmasına səbəb oranın cazibədar olması ilə əlaqədardır. İnsanlar diqqət mərkəzində olmağı sevdikləri üçün bu cür intihar yolunu seçirlər.

İntihar etmək istəyən insan gedir ora və onun bu intihar cəhdini hamı görə bilir. Jurnalistərin diqqətini çəkir, ətrafda toplanan insanları görür və buna bir az da həvəslənir. Hamının ondan danışması bir az da içindəki istəyi coşdurur. Bu insanın ruhundakı boşluğun nəticəsidir. Məncə, o körpünü bağlasınlar".

Fatimə İbrahimova

Ölkə.Az