Necə edək xəstələnməyək - immuniteti gücləndirməyin yolları

İnsanlar daha çox payız aylarında xəstələnir və daha çox infeksion xəstəliklərə yoluxurlar. Xəstəliyə yoluxmamaqda immmunitet müstəsna rol oynayır.

Bəs necə etmək və hansı qidalaır qəbul etmək lazımdır ki, orqanizmdə immunitet güclü olsun və xəstəliklərə tab gətirsin.

Mütəxəssislər hesab edir ki, bunun üçün ilk növbədə orqanizmə bol D vitamini lazımdır. D vitamini həm təbii yolla, həm də qida vasitəsi ilə qəbul edilir. Belə ki, yayda bol Günəş şüası qəbul etməklə, digəri isə bol zülal tərkibli qidalar qəbul etməklə mümkündür. Bu qidalar soyuqdəyməyə qarşı effektlidir. Bu sırada daha çox dəniz balıqlarına üstünlük vermək lazımdır.

Çünki onun tərkibində yetərincə zülal, omeqa-3 və D vitamini var. Bu da insanda soyuqdəyməyə qarşı effektiv müqavimət yaradır. Mütəxəssislər bundan əlavə olaraq sezon məhsulları olan meyvə və tərəvəzlərdən çox istifadə etməyi tövsiyə edir. Daha çox C vitamin tərkibli  meyvələr qəbul edilsə yaxşı olar. Sarımsaq, soğan, qarabaşaq (qreçka), yulaf və paxlalı, dənli qida məhsulları insanın immunitetitini gücləndirən  məhsullardır.

Mürtəza
Ölkə.Az