Dərinizi quruluqdan qoruyacaq 9 möcüzəvi qida

Ölkə.Az xəbər verir ki, quru dərisi olan insanlar kremdən əlavə bəzi qidalarla dərilərini nəmləndirə bilərlər. Vitamin və minerallarla zəngin pəhriz sərt qış aylarında dərinizə yaxşı qulluq etməyə kömək edə bilər. Dəriyə qulluq qidalarla da mümkündür. 

Dəri üçün faydalı qidaları təqdim edirik:

1. Şirin kartof A və C vitaminləri ilə zəngindir. A vitamini dərini günəş işığının zərərindən qoruyur. Dərinin qurumasının qarşısını alır. Ancaq A vitaminin çox olması dərinin qurumasına və dodaqların çatlamasına səbəb ola bilər. C vitamini isə dəridə kollagenin artmasına dərini canlı, nəmli və sağlam saxlamağa kömək edir.  

2. Badam E vitamini ilə zəngin olmaqla yanaşı, zülal və lif mənbəyi kimi tanınır.

3. İspanaq C və K vitaminləri ilə zəngindir. Əhəmiyyətli bir qida maddəsi olan kalium da bu tərəvəzdə mövcuddur.

4. A və C vitaminlərini ehtiva edən qırmızı bibərdə K və E vitaminləri də var. K vitamini kollagenin səviyyəsini artırır, E vitamini isə zədələnmə və quruluğun səbəb olduğu iltihabı azaldır.

5. Qızılbalıq əhəmiyyətli miqdarda omeqa 3 yağ turşuları ehtiva edir. Bu yağ turşuları dəri sağlamlığında mühüm rol oynayır. Qızılbalıqda həmçinin iltihab və quruluğa yaxşı təsir edən D vitamini də var.

6. Dörddə bir fincan günəbaxan tumu böyüklər üçün tövsiyə olunan gündəlik E vitamini ehtiyacının demək olar ki, yarısını ödəyir. Bu vitamin iltihab əleyhinə xüsusiyyətlərə malikdir. Günəbaxan toxumunun tərkibində zərərli ultrabənövşəyi şüalardan qoruyan mis də var.

7. Dana ciyəri eynən şirin kartof kimi A vitamini ehtiva edir. Həmçinin, “sədəf” xəstəliyinin səbəb olduğu qaşınma üçün yaxşıdır.

8. Stiridyədə (İlbiz) bol olan sink quruluğun səbəb olduğu zədələri bərpa etməyə kömək edir. Tərkibində antioksidant rolunu oynayan və kollagen istehsalında rol oynayan mis də var.

9. Portağal C vitamini ilə zəngindir. Günə bir portağal yeməklə, ya da bir stəkan portağal suyu içməklə başlamaq dərinizə yaxşı gələ bilər. Bu meyvənin tərkibində kalium da var. Kalium orqanizmin maye və elektrolit balansının saxlanmasında rol oynayır.

Günay