"İnsanda baş, göz, qulaq ağrısı varsa..." - Nazirlik virusla bağlı çağırış etdi

Ölkə.Az xəbər verir ki, bu sözləri Səhiyyə Nazirliyinin mütəxəssis-eksperti, pediatr Əkbər Quliyev deyib. Onun sözlərinə görə, 5-6 gün sonra insanda baş, göz, qulaq ağrısı varsa, bu bakterial ağrı sayılır: “Bu zaman həkimə mücariət etmək və müalicə almaq lazımdır”.

Uşaqlarda temperaturun 5-gündən çox davam etməsinin təhlükəli olduğunu deyən Ə.Quliyev vurğulayıb ki, qızdırma salan dərman istifadəsinə baxmayaraq, temperatur düşmürsə, müayinədən keçirmək, qan və sidik analizi vermək lazımdır:

"Ondan sonra nəticələr dəyərləndirməlidir. Yəni temperaturun 5-gündən çox düşməməsi təhlükəlidir”.

Pediatr söyləyib ki, son zamanlar uşaqlar arasında geniş yayılmış dodaqların quruyub-çatlamasıkəskin hava dəyişikliyi ilə əlaqədardır. O, həmçinin bildirib ki, uşaqların dil və dodaqlarını quruması yüksək temperatur zamanı ola bilər: “Bu zaman valideynlər uşaqların dodaqlarına rəngsiz nəmləndirici dodaq boyası çəksinlər”.