Neqativ insanlardan kənar gəzmək deyil, onlardan qaçmaq lazımdır... - 11 ÜSUL

"Əgər hər şey yaxşıdırsa, çox gözəl, hər şey pisdirsə, bu, təcrübədir..."
 
"Ən böyük azadlıqlardan biri odur ki, kimlərinsə sizin haqqınızda nə düşündüyü barədə narahat olmayasan..."
 
Hər şeyi mürəkkəbləşdirməməyin 11 üsulu...
 
Əslində həyat sadədir, lakin biz inadkarcasına onu mürəkkəbləşdirməyə cəhd edirik.
 
Həyatınızı sadələşdirməyə kömək edən bir neçə sadə üsulları nəzərinizə çatdırırıq.
 
Moderator.az xəbər verir ki, bu barədə "yaamilliarder.ru" nəşri yazıb.
 
1. Keçmişin təcrübəsini öyrənin, sonra onu büsbütün unudun
 
Keçmişdə buraxılan səhvlər sizi ondan qorxmağa məcbur etməməlidir, gözəl gələcək yaratmağa öyrətməlidir. Öz qüsurlarınızla yaşamaqda davam etməyə dəyməz. 
 
Bunun əvəzinə onları ayaqlarınızın altına qoyub pillələr kimi istifadə edin, heç vaxt təəssüflənməyin. Əgər hər şey yaxşıdırsa, çox gözəl, əgər hər şey pisdirsə, bu təcrübədir. 
 
Uğur ondan ibarət deyil ki, bu və ya başqa məqamda nəyəsə nail olmusunuz, uğur ondadır ki, nəyi öyrənmisiniz və bu yolda nə qədər yol qət etmisiniz. 
 
2. Diqqətinizi həqiqətən vacib olanlara yönəldin
 
Sizin üçün ən vacib olanları müəyyən edin. Bütün artıq şeyləri maksimum istisna edin. Zamanınızı itirməyin və heç bir şey haqqında təəssüf hissi keçirməyin.
 
3. Diqqətinizi işə deyil, məsuldarlığa yönəldin
 
Sadəcə, işi icra etməyə çalışmayın, onu düzgün icra edin. Nəticə həmişə ona sərf edilən zamandan daha vacibdir. Amma dayanın və özünüzə sual verin: üzərində işlədiyiniz nəsnəyə qüvvə sərf etməyə dəyərmi? Bu sizin məqsədlərinizə doğru irəliləməyə kömək edirmi? Lazımsız işlə, hətta təcili olsa belə, əslində vacib deyilsə, başınızı aludə olmayın.
 
4. Almaq istədiyinizi verin
 
Siz başqalarından ən yaxşı şeyləri o zaman alırsınız ki, özünüz ən yaxşı şeyləri verirsiniz. Bu qızıl qaydanı praktikada tətbiq etməyə başlayın. Sevmək istəyirsinizsə, sevginizi verin. Çoxlu dost qazanmaq istəyirsinizsə, doctasına münasibət göstərin. Çoxlu pul istəyirsinizsə, onların qiymətini bilin. Bu qayda işləyir və hər şey əslində çox sadədir. 
 
5. Gözləntilərə uyğunlaşmağa cəhd etməyi tərgidin
 
Hamı ilə dost olmağa cəhd etməyin. Daha az sayda insanlarla yaxın münasibətlər inkişaf etdirin. Konkret adam üçün daha çox qiymətli olanlara diqqət yetirin. Hamıya kömək etmək və hamını yola vermək mükün deyil.
 
Lakin əgər siz bir nəfəri gülümsəməyə məcbur edə bilirsinizsə, bu dünyanı dəyişə bilər. Ola bilsin ki, bütün dünyanı deyil, amma bir nəfər insanın dünyasını dəqiq dəyişəcək. Ona görə öz məqsədlər dairəsini daraldın və özünüz olun.
 
6. Ürəyinizin hökmü ilə hərəkət edin
 
Düzgün olmayan addımları atmağa son qoyun. Özünüzlə və bütün başqa adamlarla dürüst olun. Aldatmayın, sədaqətli olun, xeyirxah olun, düzgün addımlar atın. Belə yaşamaq xeyli asandır. Dürüstlük uğurun mahiyyətidir. Sadə və məmnun yaşayın. Ürəyinizin hökmü ilə hərəkət edin. 
 
7. Öz məkanınızı təşkil edin
 
Artıq şeylərdən xilas olmağa başlayın. İstifadə etmədiyiniz əşyalardan xilas olun, yerdə qalanları qaydaya salın. Təkcə evinizdə deyil, iş yerinizdə də səliqə-səhmana riayət etmək çox vacibdir. Əgər sizin məkanınız dağınıqdırsa, bu, diqqətinizi yayındırar və stres yaradar. Azad məkan hər hansı bir möhtəşəm əsəri yaratmaq üçün təmiz kətana bənzəyir.
 
8. Səmərəli hərəkət edin
 
Məqsədyönlü hərəkətlərə yol verməyə son qoyun. Baxmayaraq ki, əvvəllər bunu etmisiniz. Biz həyatımızda çox vaxt planlaşdırılmayan və mürəkkəb şeylərlə ona görə üzləşirik ki, bu barədə kifayət qədər düşünmürük. Bunun əvəzinə həyatınızı qaydaya salın. Ümumi vəzifələrin həll üsulunun ən yaxşılarını tapın. 
 
9. Hər şeyi az mükəmməl olmağa imkan verin
 
Hər imkan düşdükcə gülümsəyin. Çünki siz xoşbəxt olmağa qərar vermisiniz və sizdə yaxşı olan nə varsa ona minnətdarsınız. Həyat təkmil deyil, insanlar təkmil deyil, siz də təkmil deyilsiniz. Bu, normaldır, çünki gerçək dünyada heç kim təkmil olduğuna görə mükafatlandırılmır. Yaxşı işlər görən insanlar mükafatlanır. Xeyirxah işlər görməyin yeganə üsulu bundadır ki, 99 faiz hallarda təkmil olmayasan. 
 
10. Lazım olmayan faciələrdən və onu yaradanlardan xilas olun
 
Lazım olmayan faciələri heç vaxt yaratmayın və ətrafınızda bunları yaradan insanların olmasına imkan verməyin. Fəxr etdiyiniz, qürur duydunuz, heyran olduğunuz insanları, həmçinin sizi sevən və sizə hörmət edən insanları özünüzə dost seçin.
 
Yəni öz mövcudluğunu ilə sizin həyatınızı daha parlaq edən insanlarla dostlaşın. Neqativ insanlardan kənar gəzmək yox, onlardan qaçmaq lazımdır. Həyat çox qısadır. Və onu sizin xoşbəxtliyinizi əlinizdən alan insanlara sərf etmək lazım deyil. 
 
11. Başqalarının sizin haqqınızda düşündüyünü və sizi istədiyini unudun
 
Ən böyük azadlıqlardan biri ondan ibarətdir ki, kimlərinsə sizin haqqınızda nə düşündüyü barədə narahat olmayasan. Bəzən siz küçəyə çıxıb, təmiz hava qəbul edib, kim olduğunuzu və kim olmaq istədiyinizi xatırlamağınız vacibdir. Ən yaxşı öz ürəyinizin hökmü ilə hərəkət etməkdir.
 
Risk edin, təhlükəsiz və sadə qərarlar qəbul etməyin. Çünki başqalarının sizin haqqınızda nə düşünməsindən, yaxud nə baş verməsindən qorxursuz. Bunları etsəniz, heç vaxt heç nə baş verməyəcək. Cılız ağıllara sizin arzularınızın gerçəkləşmədiyinə sizi inandırmağa imkan verməyin, bu, belə deyil.