Bu məhsullar arıqlamağa mane olur - Diyetoloqdan XƏBƏRDARLIQ

"Ölkə.az" xəbər verir ki, bu sözləri dietoloq Marina Melnikova Ura.ru-ya müsahibəsində deyib. Mütəxəssis hesab edir ki, ilk növbədə yarımfabrikat ət məhsullardan imtina etmək lazımdır.

"Bu məhsullar adətən yüksək kalorili və doymuş yağ ehtiva edir ki, bu da arıqlamağı çətinləşdirir. Yarımfabrikat ət məhsullarının yeyilməsi, həmçinin onun istehsalında istifadə olunan nitrat və konservantlar səbəbindən ürək-damar xəstəlikləri və xərçəngin inkişaf riskini artıra bilər.

Rəfinə edilmiş taxıl məhsulları qanda şəkər səviyyəsinin sıçrayışlara səbəb olur ki, bu da aclıq hisslərinin artmasına səbəb ola bilər. Tərkibində həddən artıq yağ, natrium və şəkər olan fəstfuddlardan da çəkinmək lazımdır. Lif və digər əsas qida maddələrinin dəyəri azdır. Bu qidalardan çox yemək piylənməyə səbəb ola bilər. Fəstfudlar həm arıqlamağa mane olur, həm də tərkibi zərərli kimyəvi maddələrlı doludur", - Melnikova bildirib.

Mütəxəssisin sözlərinə görə, hazır meyvə suları və qazlı içkilərdən də uzaq durmalısınız. Tərkibində yüksək şəkər olduğundan, digər zərərli qidalara istək yarada bilər. Arıqlamağa mane olan ilk 5 qida əsasən şirniyyatlardır. Mütəxəssis arıqlamaq istəyənləri tortlardan, qənnadı məhsullarından və peçenyelərdən imtina etməyə səsləyib.

"Desertlər qanda şəkərinin səviyyəsinin yüksəlməsinə, eləcə də enerjinin azalmasına və daha da böyük yemək istəyinə səbəb ola bilər. Bundan əlavə, desertlər aşağı qida dəyəri olan boş kalorilər ehtiva edir, buna görə də, məqsədlərinizə çatmağınıza kömək etməyəcəklər" , - Melnikova yekunda bildirib.(publika.az)