Min ildir yeyilirdi: İndi məlum olub ki, dünyanın ən təhlükəli pendiridir
Dünyanın ən təhlükəli pendiri kimi tanınan "Casu Marzu"nun satışı qadağan edilib. Qoyun südündən hazırlanan bu pendiri satan 60 min dollar cərimə olunur.
Publika.az xəbər verir ki, dünyanın ən təhlükəli pendiri kimi tanınan “Casu Marzu” qoyun südündən hazırlanır. İtaliyanın Sardiniya adasında hazırlanan ənənəvi pendir minlərlə ildir istehlak edilir. Lakin min illərdir istehlak edilsə də, “Casu Marzu” 2009-cu ildən dünyanın ən təhlükəli pendiri kimi Ginnesin Rekordlar Kitabına düşüb. “Qoxulu pendir” mənasını verən “Casu Marzu” qoyun südü çürüyənə qədər qıcqırmaqla əldə edilir.
Pendirin çürüyənə qədər qıcqıran üst təbəqəsi kəsilərək milçək sürfələrinin əmələ gəlməsi üçün hazır vəziyyətə gətirilir. Zaman keçdikcə pendirdə yetişən sürfələrin nəcisi pendirin yağlarını parçalayaraq ona yumşaq bir quruluş verir.
“Casu Marzu” pendirini sınayan hər kəs onun dadını çox bəyənir. Hətta bəziləri onu içərisindəki qurdlarla yeyir, bəziləri isə qurdları təmizləyərək istehlak etməyə üstünlük verir. Lakin gigiyena tələblərinə cavab vermədiyi üçün 1962-ci ildə İtaliya hökuməti və Avropa Birliyi tərəfindən qadağan edilib.