Hər yumada dərini cavanlaşdıran möcüzə

Əsrlərdən bəri istifadə edilən keçi südü gözəllik sirləri arasında yer alır. Keçi südünün sabun kimi istifadəsinin dəriyə təsiri son zamanlar daha çox diqqət çəkən cavanlaşdırıcı qida faktorudur.

Ölkə.Az keçi südü sabununun faydalarını sizə təqdim edir.

Keçi südü A, D və B6 kimi vitaminlərlə zəngindir. 

Keçi südündə olan A vitamini yaşlanma əleyhinə təsirə malikdir. Bu mövzuda ən məşhur A vitamini məhsulları Retin-A və retinoldur. Harvard Tibb Məktəbinə görə, onlar kollagen istehsalını artırmağa kömək edə bilər.

Təkmilləşdirilmiş kollagen istehsalı incə xəttlərin və qırışların görünüşünü azalda bilər. Məhz buna görə retinol bir çox tibbi dərəcəli dəriyə qulluq məhsullarının əsas tərkib hissəsidir. Keçi südü sabunu bu tərkibi sayəsində qocalmanı gecikdirə bilər. Ancaq bu sabunu istifadə edərkən, sonra nəmləndirici istifadə etməyə diqqət yetirilməlidir.

Keçi südü sabununun müntəzəm istifadəsi sızanaqları böyük ölçüdə azalda bilər. 

Həmçinin sabun əhəmiyyətli miqdarda laktik turşu ehtiva edir. Laktik turşu mühüm təmizləmə formulunu təmin edir, həm də nəmləndiricidir. Buna görə də dərinizi təmizləyərkən nəm itkisinin qarşısını ala bilər.

Sabunun tərkibindəki süd turşusu yumşaq təmizləyicidir və ölü dəri hüceyrələrindən effektiv şəkildə xilas olur. Bu alfa hidroksi turşusu daha parlaq dəri tonu yaratmaq üçün məsamələri daraldır və dəri tonlarını bərabərləşdirir. 

Bundan əlavə son araşdırmalar keçi südünün dəri xərçəngi ilə mübarizədə təbii köməkçi ola biləcəyini ortaya qoydu. Keçi südü sabununda olan selenium mineralı dərini ultrabənövşəyi şüalardan qoruyur. Selenium hüceyrə zədələnməsinin qarşısını almağa kömək edə biləcək olduqca böyük antioksidan xüsusiyyətlərə malikdir. Hüceyrələr oksidləşdirici stres altında olduqda, dəri xərçəngi də daxil olmaqla bir çox pis nəticələrə səbəb ola bilər.

Günay