Ekspert arıqlamağın bilmədiyimiz sirrini açdı

Terapevt və diyetoloq Marqarita Koroleva hesab edir ki, arıqlamaq üçün təkcə idman və pəhrizə deyil, həm də yuxu rejiminə riayət etmək lazımdır.

Publika.az xəbər verir ki, ekspert arıqlamaq istəyənlərə mühüm tövsiyələr verib.

“Yaxşı formada olmaq üçün kifayət qədər yatmaq lazımdır. Məhz yuxu zamanı bədənin bir çox funksiyası bərpa olunur. Bu zaman təkcə arıqlama və yağ yandırma prosesi deyil, həm də əzələ kütləsinin sintezi və beyin hüceyrələrinin detoksifikasiyası işə düşür”, - Koroleva “Moskva 24” portalına müsahibəsində qeyd edib.

Eyni zamanda, yuxusuzluq stress hormonu kortizolun səviyyəsini yüksəldir. Buna görə bədən daha çox enerji tələb edir, bu da yalnız qida ilə əldə edilə bilər. Nəticədə yuxusuzluq səbəbindən insanlar daha çox yemək yeyirlər və buna görə də kökəlirlər.