Hindistanda son 24 saatda 6 nəfər koronavirusdan öldü

Dünyada 6 milyondan çox insanın ölümünə səbəb olan koronavirus Hindistanda yenidən üzə çıxıb. 

Ölkə.Az xarici KİV-ə istinadla xəbər verir ki, ölkədə son 24 saatda 475 yeni yoluxma və 6 ölüm faktı qeydə alınıb.

Ölüm halları Karnataka, Çhattisqarh və Assam ştatlarında baş verib. 

Ölkədə aktiv yoluxma hallarının sayı 4002-dən 3919-a düşüb.

Narahatedici inkişafda JN.1 alt növü (covid-19’un yeni varyantıdır) sürətlə Maharaştra əyalətində dominant varianta çevrilib. Belə ki, şəhərdə yoluxanların sayı 249-dur.

Yanvarın 6-na kimi ölkə üzrə 12 ştatda ümumilikdə 682 JN.1 hadisəsi qeydə alınıb. JN.1 variantı hallarının əksəriyyəti Kerala və Karnataka ştatlarında baş versə də, Dehli, Qucarat, Maharaştra, Tamil Nadu, Racastan, Telangana, Odişa və Haryana da təsirlənib.

Günay