Göz sağlamlığı üçün 7 vacib qida - Bu vərdişlərdən uzaq durun!

Zərərli günəş şüaları, qeyri-sağlam qidalanma və gecə gec yatmaq kimi hallar göz sağlamlığının pisləşməsinə səbəb olur.

Ölkə.Az “Haber7”yə istinadla xəbər verir ki, eyni zamanda son illərdə rəqəmsal ekranlardan istifadənin artması göz sağlamlığı üçün riskləri artırır.
Mütəxəssislər bildirir ki, göz sağlamlığını qorumaq üçün həyat tərzi və qidalanma vərdişlərinə diqqət yetirmək çox vacibdir.

Türkiyənin Acıbadem Taksim Xəstəxanasının Göz Sağlamlığı və Xəstəlikləri Mütəxəssisi Prof. Dr. Ayşe Önerin sözlərinə görə, yanlış həyat vərdişləri gözün torlu qişa təbəqəsinə zərər verir.

O, torlu qişanın sağlamlığını qorumaq üçün çəkiyə nəzarət, davamlı fikziki aktivliyi və siqaret və spirtli içkidən uzaq durmağı məsləhət görüb.
A.Öner qan şəkəri və xolesterinin mütəmadi olaraq izlənilməsinin də göz sağlamlığı üçün əhəmiyyətli olduğunu vurğulayıb.

Türkiyəli mütəxəssis deyib ki, günəş eynəklərindən istifadə, həmçinin ekrana çox baxan şəxslərin gözlərinə istirahət verməsi olduqca vacibdir. 

A.Öner həmçinin göz sağlamlığı üçün faydalı olan 7 qidadan da danışıb. Odur ki, həmin qidaları təqdim edirik:

Kök

A vitamini mənbəyi olan yerkökü B, C, D və E vitaminləri ilə də zəngindir. Tərkibindəki karotin, şəkər və fosforla göz sağlamlığına töhfə verən yerkökü gündə bir və ya iki ədəd yeyildikdə göz sağlamlığını qoruyur və gücləndirir.

Yumurta

C və E vitaminləri ilə zəngin olan yumurtalar əhəmiyyətli miqdarda sink ehtiva edir. Yumurta istehlakı göz xəstəlikləri riskini azaldır. Tərkibindəki lutein və zeaksantin makula degenerasiyasına qarşı qoruyur. Gündə bir yumurta yemək göz sağlamlığını dəstəkləyir.

Yaşıl tərəvəzlər 

Yaşıl tərəvəzlərdə yüksək miqdarda C və E vitaminləri var. İspanaq, kahı, kələm və brokoli kimi tərəvəzlərdə torlu qişa üçün faydalı olan beta karoten, lutein və zeaksantin var. 

Mütəxəssis həmçinin əlavə edib ki, sitrus meyvələri, balıq, qırmızı ət və quru meyvələr də göz sağlamlığını dəstəkləmək baxımından olduqca önəmlidir.

Billurə