Azərbaycanda serebral iflic qadın ana oldu - Foto
Serebral iflic olan 1-ci qrup əlil qadın ana olub.
Bu barədə Ölkə.Az-a də Kliniki Tibbi Mərkəzdən məlumat verilib.
Bildirilib ki, 15 yanvar saat 22:13-də Mərkəzin Doğum-Ginekologiya şöbəsində qeysəriyyə əməliyyatı ilə çəkisi 2300 qram, boyu 45 sm olan körpə (qadın cinsli) dünyaya gəlib.
Körpənin anası serebral iflicin diplegiya formasından əziyyət çəkən və 1-ci qrup əlil olan bir qadındır.
Doğuşun 36-cı həftəsində həyata keçirilən əməliyyat KTM-in cərrah mama-ginekoloqu Şirinnaz Seyidsoyun peşəkarlığı sayəsində uğurla başa çatıb.
Zəruri müayinələrdən sonra ana və körpə yaxşı vəziyyətdə evə buraxılıb.
Ölkə.Az
