Şirin və qazlı sular orqanizmi necə məhv edir?

Şirin və qazlı sular orqanizmi necə məhv edir? - İZAH

“Kola kimi qazlı içkilərin içildikdə bədəndə yaratdığı təsirlər mürəkkəbdir. Bu içkilər həm dərhal, həm də uzunmüddətli sağlamlıq problemlərinə səbəb ola bilər”.

Ölkə.Az xəbər verir ki, bunu diyetoloq Aygül Mirzəyeva deyib. O, həmin zərərləri aşağıdakı kimi sadalayıb:

1. Ağız və dişlərə təsiri

- PH balansının pozulması: Kola və şəkərli içkilərin turşuluğu (pH ~2.5) tüpürcəklə qismən neytrallaşsa da, xüsusən tez-tez içildikdə diş minasını zəiflədə bilər.
- Şəkər və bakteriyalar: Şəkərli versiyaları diş çürüməyə səbəb olan bakteriyaları qidalandırır.

2. Mədə və bağırsaq sisteminə ziyanları

- Qazın təsiri: Karbonatlaşdırılmış su mədədə qazı artıraraq şişkinlik və ya gəyirməyə səbəb ola bilər.
- Turşuluğun artması: Fosfor turşusu və karbonatlaşma mədə turşusunu stimullaşdıra bilər, bu da qastrit və ya reflü, mədə aşınması olanlarda problem yarada bilər.
- Şəkər və ya aspartam: Şəkərli kolalar qan şəkərini qəflətən yüksəldir, “light” versiyaları isə bağırsaq mikrobiomuna mənfi təsir göstərə bilər.

3. Qan dövranı və orqanlara ziyanları

- Kofein udulması: 30-60 dəqiqə ərzində kofein qana qarışaraq enerji artımı, ürək döyünməsi və ya təzyiqin qalxmasına səbəb ola bilər (gündə 400 mq-dan çox kofein risklidir).
- Dehidratasiya riski: Kofein və şəkər sidik ifrazını artıraraq su itkisinə yol açır, xüsusən istidə.
- Qaraciyərə təsir: Fruktoz şəkəri (qlükoza ilə birlikdə) qaraciyərdə metabolizə olunur və həddindən artıq istehsal zamanı qaraciyəri yağlandıra bilər.

Billurə