Həftəsonu çox yatmaq sağlamlığa zərər verir

Ölkə.az "lenta.ru"ya istinadla xəbər verir ki, bu barədə terapevt Anastasiya Ağayeva danışıb.

Onun sözlərinə görə, əgər insan iş günlərində tez oyanır, amma həftəsonu çox yatmağa çalışırsa, bu zaman bədəninin daxili bioloji saatı pozulur: “Bu, bir neçə saat fərqli vaxt qurşaqlarını keçmək kimidir. Ən çox zərər isə oyanma saatının dəyişməsindən gəlir".

Mütəxəssis əlavə edib ki, həftəsonu səhər çox yatmaq yuxunun keyfiyyətini azaldır – dərin və sürətli yuxu fazaları itir, nəticədə insan uzun yatmasına baxmayaraq, yorğun və halsız oyanır:

"Həftəsonu uzunmüddətli yuxu xroniki yuxu çatışmazlığını kompensasiya etmir və sağlamlıq risklərini azaltmır. Yuxusuzluq piylənmə, şəkərli diabet və ürək-damar xəstəlikləri riskini artırır.

Əsas məsələ yuxu rejiminin sabitliyidir. İnsan hər gün, o cümlədən həftəsonları da eyni vaxtda yatıb oyanmağa çalışmalıdır. Maksimum fərq 30–60 dəqiqəni keçməməlidir".

Həmidə İbrahimova