Həftədə 2 dəfə bu qidanı yemək Altsheymer riskini əhəmiyyətli dərəcədə azaldır

Ölkə.Az xəbər verir ki, son tədqiqatlar göstərir ki, bəzi əlverişli və asan tapılan qidalar beyin funksiyasının qorunmasına əhəmiyyətli dərəcədə təsir göstərə bilər. 
Bu qidalardan biri də göbələkdir.

Amerika Geriatriya Cəmiyyətinin jurnalında dərc olunan son tədqiqatlar göstərir ki, həftədə ən azı 2 dəfə göbələk istehlakı demensiya riskini əhəmiyyətli dərəcədə azaldır.

Tədqiqatçılar Yaponiyanın şimal-şərqindəki Ohsaki şəhərində yaşayan 65 yaşdan yuxarı 13 230 nəfər üzərində hərtərəfli araşdırma aparıblar. İştirakçılar illərlə göbələk yemə vərdişləri və digər həyat tərzi amilləri baxımından izləniliblər.

Tədqiqatın nəticələrinə görə, həftədə bir dəfə və ya daha çox göbələk yeyən şəxslərdə, göbələkləri daha az yeyənlərlə müqayisədə demensiya riski xeyli aşağı olub.
Yaş, cins, təhsil səviyyəsi, fiziki aktivlik və digər potensial qarışıq amillər nəzərə alındqıda belə göbələyin təsiri danılmaz olub.

Sinqapurda göbələklə bağlı aparılan başqa bir araşdırma zamanı isə 60 yaşdan yuxarı 663 iştirakçı 6il ərzində müntəzəm olaraq izlənilib. Tədqiqatçılar iştirakçıların IQ-sünü, qan təzyiqini, yeriş sürətini və zehni sağlamlığını sınaqdan keçiriblər. Həmçinin, yüngül idrak geriləməsi (MCI) və demanensiya simptomlarını ölçmək üçün xüsusi şkalalardan istifadə ediblər.
Nəticələr göstərib ki, həftədə ən azı 2 standart porsiya (təxminən 300 qram) göbələk yeyən insanların beyin funksiyasının azalması riski 50% aşağıdır.
Bu tapıntılar göbələklərin yalnız ləzzətli bir qida deyil, həm də beyin sağlamlığı üçün vacib bir qoruyucu olduğunu göstərir.

Demensiya və Altsheymer haqqında

Demensiya yaddaşın, düşünmə qabiliyyətinin, davranışın və gündəlik fəaliyyətlərin yerinə yetirilməsinin tədricən pozulması ilə xarakterizə olunan ümumi haldır. Yəni demensiya bir xəstəlik deyil, bir neçə xəstəliyin yaratdığı beyin pozğunluğunun nəticəsidir.

Altsheymer xəstəliyi isə demensiyanın ən yayılmış səbəbidir (təxminən 60–70% hallarda). Bu xəstəlikdə beyində sinir hüceyrələri yavaş-yavaş zədələnir, nəticədə yaddaş itkisi, oriyentasiya pozğunluğu, nitq və qərarvermə qabiliyyətində zəifləmə müşahidə olunur.

Demansiya simptomlarına ümumiyyətlə aşağıdakılar daxildir:

- Yaddaş itkisi;
- Düşünmə sürətinin yavaşlaması;
- Zehni kəskinliyin azalması;
- Dil və nitqdə çətinliklər;
- Anlamanın azalması;
- Səbəb-nəticə əlaqələrini qurmaqda çətinlik;
- Hərəkətin məhdudluğu;
- Gündəlik fəaliyyətləri yerinə yetirməkdə çətinlik.

Billurə