Bel çantası ilə yeriməyin gözlənilməz faydaları

Fizioloq Metyu Uelç gəzintinin faydasını artırmağın sadə üsulunu açıqlayıb.

Ölkə.az xəbər verir ki, o, bu barədə "HuffPost" nəşrinə danışıb.

Mütəxəssisin sözlərinə görə, söhbət ağırlaşdırılmış bel çantası ilə yeriməkdən gedir. Uelç bildirib ki, bu üsul adi gəzintini həm kardio, həm də güc məşqinin birləşməsinə çevirir ki, bu da ürək-damar sistemi, əzələlər və düzgün qamət üçün faydalıdır.

Həkim qeyd edib ki, hətta kiçik əlavə çəki belə adi gəzintinin effektivliyini artıra bilər.

"Bu, hərbi hazırlıq proqramlarından gələn, dözümlülüyü və ağır yüklərin daşınmasını əsas götürən aşağı yüklənməli məşq növüdür", – deyə o vurğulayıb.

Uelç əlavə edib ki, bu üsula başlayarkən tələsmək olmaz. Orqanizmi həddindən artıq yükləməmək üçün əvvəlcə yüngül çanta və qısa məsafələrlə başlamaq tövsiyə olunur.

Həmidə İbrahimova