Azərbaycanda qızılca ilə bağlı son DURUM AÇIQLANDI
“Azərbaycanda qızılca ilə bağlı epidemioloji vəziyyət nəzarət altındadır və müvafiq epidemioloji nəzarət tədbirləri davamlı şəkildə həyata keçirilir”.
Bu barədə Ölkə.az-ın sorğusuna cavab olaraq Səhiyyə Nazirliyi Respublika Gigiyena və Epidemiologiya Mərkəzindən məlumat verilib.
Bildirilib ki, qeydə alınan hallar operativ araşdırılır, zəruri əks-epidemik tədbirlər görülür:
“Əhalinin, xüsusilə uşaqların Milli Profilaktik Peyvənd Təqviminə uyğun vaxtında peyvənd olunması qızılcadan etibarlı qorunmanın əsas vasitəsidir. Hazırda vəziyyət sabit olaraq qiymətləndirilir və ictimai sağlamlıq üçün əlavə risk yaradan hər hansı hal müşahidə olunmur”.
Qeyd edək ki, bir sıra Asiya ölkələrində, o cümlədən Banqladeşdə uşaqlar arasından yayılan qızılca epidemiyasından yüzlərlə uşaq ölüb. Ümumilikdə 100 minə yaxın uşaq virusa yoluxub.
Həmidə İbrahimova
