Müsavatdan seçki şikayətləri barədə
“Müsavat Partiyasına son qurultayda keçirilən seçkilərlə bağlı şikayətin təqdim olunduğu və bu şikayətin qəbul edilməyərək geri qaytarılması ilə bağlı iddialar həqiqətə uyğun deyil”.
Müsavatın Partiyası son günlər müzakirə edilən məsələ ilə bağlı açıqlama verib:
“Seçkilər zamanı pozuntulara yol verilməsi barədə mətbuatda və sosial şəbəkədə ciddi hay-küy yaradılmasına baxmayaraq, bugünədək Müsavat Partiyasının hər hansı bir strukturuna rəsmi şikayət ərizəsi daxil olmayıb.
Oktyabr ayının 10-da- seçkilərdən 13 gün sonra Qurultay zamanı yaradılan Seçki komissiyasının sədri olmuş Mirbaba bəy Babayevə bəzi sənədlər təqdim edilib. Hörmətli Mirbaba Babayev Müsavat Partiyası Məclisinin toplantısında bu barədə məlumat verərək bildirib ki, ona təqdim olunan sənədlər şikayət ərizəsi deyil.
Belə ki:
1. Sənədin kimə və hansı struktura ünvanlandığı qeyd edilməyib.
2.Yazılanların kimə məxsus olduğu məlum deyil, kimsə tərəfindən imzalanmayıb.
Burada qeyd olunanların əksəriyyəti Seçki komissiyasının fəaliyyət göstərmədiyi, qurultaydan əvvəlki dövrə aiddir. Ona görə də bu məsələlər Seçki komissiyası tərəfindən deyil, partiyanın müvafiq strukturları tərəfindən araşdırıla bilər.
Bundan sonra şikayət ərizəsinin yazılmasının forması, təqdim edilmə qaydası və partiya Nizamnaməsinə uyğun detallar sənədləri təqdim edənlərə izah edilib. Onlar da bununla razılaşıb.
Beləlliklə, bir daha qeyd edirik ki, Müsavat Partiyasına təqdim olunan şikayətlərə baxılmayaraq geri qaytarılması barədə iddialar tamamilə əsassizdır. Bu cür yanlış məlumatlar partiyanın nüfuzuna xələl gətirir”. (qafqazinfo)
Ölkə.Az
Ölkə.Az
