Kipr məsələsində gərginlik

Ölkə.Az Kiprin İnformasiya Agentliyinə istinadən xəbər verir ki, Kiprin prezidenti Nikos Anastasiadis BMT-nin baş katibi Pan Gi Muna müraciət edib. O, Şərqi Aralıq Dənizindəki vəziyyətə müdaxilə etməyi və Türkiyəni respublikanın suveren hüquqlarını pozmaqdan çəkindirməyi xahiş edib.

Anastasiadis ümumdünya təşkilatının rəhbərinə göndərdiyi məktubda bildirib ki, rəsmi Ankaranın etdiyi hərəkətlər ölkənin vahid federasiya halında birləşməsinə yönəlmiş Kipr probleminin nizamlanması üzrə danışıqlar prosesinə ağır zərbə endirə bilər. 

Dövlət başçısı türk-kiprlilərin lideri  Dərviş Əroğlu ilə ayın 9-u və 10-na təyin edilmiş danışıqların təxirə salınması barədə məlumat verib. Bununla o, baş katib və BMT TŞ-nın daimi üzv ölkələrinin hökumətlərinə Türkiyəni qərarından imtina etməyə çağırmaq üçün vaxt verdiyini qeyd edib.

Xatırladaq ki, ötən cümə günü Türkiyə adadan cənub tərəfdə təbii qaz yataqlarının seysmik kəşfiyyatının başlanması barədə göstəriş verib. Eyni zonada Kipr hökuməti ilə razılığa əsasən Cənubi Koreya və İtaliya konsorsiumları qazma işləri aparır. 

Çərşənbə axşamı günü Türkiyə həmin zonaya  hərbi gəmilər göndərib.