İqtidar-müxalifət dialoqu: zalda sıxlıqdır

Görüşə qatılmaq istəyənlər nəzərdə tutulduğundan çoxdur.

İqtidar və müxalifət partiyaları arasında bu günə nəzərdə tutulmuş dialoq artıq başlamaq üzrədir. Bu məqsədlə Beynəlxalq Mətbuat Mərkəzinə çoxsaylı partiya nümayəndələri toplaşıb. Əməkdaşımızın BMM-dən verdiyi xəbərə görə, görüşə nəzərdə tutulduğundan daha çox siyasi partiya təmsilçiləri gəlib. Belə ki, iqtidar-müxalifət görüşünün 8 partiya arasında keçirilməsi nəzərdə tutulsa da, görüşdə, dialoqda iştirak etmək istəyənlər çoxdur.

Əməkdaşımız bu durumla bağlı Ümid partiyasının sədri İqbal Ağazadənin rəyini soruşub. İ.Ağazadə cavab verib ki, onlar da belə bir situasiyanın yaranacağını gözləmirmişlər və bunun səbəbini soruşacaqlar.

Hesab olunur ki, bu formatda keçirilən dialoq konstruktiv olmayacaq və faydalı dialoq aparmaq çətin olacaq./Musavat.com/

Ölkə.Az