Zahid Oruc: "Qubad İbadoğlunun gəlişi partiyaya tam bir yeni libas geyindirə bilərdi"
"22 ildən sonra adam bütün siyasi mübarizələri uduzub, ancaq onu alqışlarla gələcək prezidentliyə namizəd irəli sürürlər. Xeyir ola?"
Bu sözləri Ölkə.Az-a açıqlamasında “Müsavat” partiyasında keçirilən son qurultayla bağlı şərhində millət vəkili Zahid Oruc deyib. O, bildirib ki, partiya miqyasında Putin-Medvedyev oyununu təkrarlamaq heç bir məntiqə sığmır.
"Seçki adına uzun illər hakimiyyəti qınayan, iqtidarın məntəqələrindəki xalqın iradəsinə təzyiq göstərildiyindən danışanlar əsl rüsvayçılıq səhnəsini yaşadılar. İnformasiya sistemlərinə çıxan həmin görüntüləri bizlər çəkməmişik. Operatorların obyektivinə düşən səhnələrin hamısını özləri çəkib, daha sonra sosial şəbəkələrdə paylaşıblar. Bunları biz söyləmədik. Hətta namizədlərin də dilindən səsvermənin ədalətli olmadığını hər gün özləri bəyan etməkdədir.Tirəlik və parçalanma tendensiyaları gücləndikcə ifşa səhnələri hələ çox özünü göstərəcək. Beləliklə İsa Qəbərin saxta ssenarisi bir təşşkilatı süqutla üz-üzə qoydu və ssenari məntiqi sonluğunua çatmadı.Müxalif demokratiya adına özünü bütün digər təşkilatlardan fərqli göstərmək planı iflas etdi.Və bu bütövlükdə antihakimiyyət dairələrinin maraqlarına zərbə oldu.Təsadüfi deyil ki,Müsavat başqanının legitimliyinə şübhə edən düşərgənin heç bir üzvü onu təbrik etmədi”, deyə deputat davam edib.
Daha sonra Zahid Oruc əlavə edib ki, Müsavatın bu qurultayı bir adamın teatrı idi.Qalanları dekorasiya rolunda çıxış edirdilər. Səhnə bütövlükdə açılıb, pərdələr götürüldükdə bütün prosesi cəmiyyət gördü. Ən azı 6-7 ittihamlar var ki, o həmişə bu partiyanın və onun partiya rəhbərliyində olan şəxslərin üzərində yaşayacaq. Uzun illərdir ki, qurultayın keçirilə bilməmə məsələsi hakimiyyət əlehinə qərəzli fikir idi. Deyirdilər ki, 1200 nəfərlik yer bunlara verilmir, ancaq sonda məlum olub ki, ümumilikdə 450 nəfər səs verib. Açığı elə iştirak edənlər elə bu qədər idi. Səslənən 600 rəqəmi saxta iddiadan başqa bir şey deyil.
"İsa Qəmbərin prezidentliyə namizədliyinin irəli sürülməsinə gəlincə, 22 ildən sonra adam bütün siyasi mübarizələri uduzub, ancaq onu alqışlarla gələcək prezidentliyə namizəd irəli sürürlər.Putin-Medvedev planını bir partiya miqyasında belə karikatura olaraq təkrarlamağın mənası nə idi.Rusiya böyük bir dövlətdir və onun dünya çapında mənafeləri var,bəs Müsavatda bölünən nə idi? Niyə demokrat olub həqiqi mənada səhnədən çəkilib yerlərini başqalarına vermək istəmədilər? Bu son qurultaydan məlum oldu ki, “Müsavat” daxilində olduqca ciddi intriqalar mövcuddur. Arif Hacılı illərlə İsa Qəmbərin kölgəsi rolunda çıxış edib. Onun hətta klonlaşmış ruh variantı da sayıla bilər. Qubad İbadoğlunun gəlişi isə partiyaya tam bir yeni libas geyindirə bilərdi.O, Azərbaycanın sərhədlərindən kənarda müəyyən qədər əlaqələr qurub və bir az tanınır.Qalib elan edilənlər isə məhəlli miqyasda düşünən və siyasi avantüraya meyilli olan kəsimdir. Bunun demokratiya adına uyğunluğu yoxdur. Son olaraq onu deyə bilərəm ki, bu partiyanın həmin adı daşıması əski müsavatçılıq irsinə, Məhəmməd Əmin Rəsulzadənin ruhuna da böyük zərbədir", deyə millət vəkili sözlərini bitirib.
Fatimə İbrahimova
Ölkə.Az
