Politoloq: "Krımı qaytarmaq Rusiya üçün siyasi intihara bərabərdir"

ABŞ prezidenti Barak Obama Rusiyaya qarşı yeni sanksiyalar nəzərdə tutan qanunu imzalayıb və bildirib ki, biz sanksiyaları ləğv etməyə hazırıq, yalnız bir halda ki, Rusiya üzərinə düşəni etməlidir, əks təqdirdə sanksiyalar sərtləşdiriləcək.

ABŞ və Rusiya arasındakı gərginliyi politoloq Zərdüşt Əlizadə Ölkə.az-a şərh edib.

Zərdüşt Əlizadənin sözlərinə görə, Obamanın Rusiyanı, Putinin ABŞ-ı hədələməsi ona əsas verir ki, gərginlik davam edəcək.

Politoloq onu da bildirdi ki, baş verən hadisələrin hamısı Rusiyanın Krımı tutmasından sonra oldu. Qərb təzyiq edir ki, Rusiya Krımı qaytarsın, ancaq Rusiya heç vaxt Krımı qaytarmayacaq.

Zərdüşt Əlizadə Krımı qaytarmağın Rusiya üçün siyasi qətlə, intihara bərabər olduğunu deyərək bildirdi ki, nə olursa olsun Rusiya geri addım atmayacaq.

Səxavət Məmməd
Ölkə.az