Mübariz Əhmədoğlu: Ermənistan beynəlxalq hüququn "sifətinə sillə vurdu"

Azərbaycanlı girovların qondarma məhkəməsində

(red- D. Əsgərov və Ş. Quliyev üzərində qondarma “məhkəmə” prosesi oktyabrın 27-də başlayıb) prokuror Karen Qabrielyanın həmyerlilərimiz Dilqəm Əsgərov üçün ömürlük və Şahbaz Quliyev üçün isə 22 il həbs cəzası istəməsi etirazla qarşılanıb.

Ölkə.az-a danışan politoloq Mübariz Əhmədoğlu Ermənistanın bu hərəkətini beynəlxalq hüququn "sifətinə sillə vurmaq" adlandırıb.

"Bu böyük ədalətsizlik, böyük haqsızlıqdır. Ermənistan hakimiyyətinin bu tələbi beynəlxalq hüququn "sifətinə sillə vurmaq" deməkdir. Əslində, Ermənistan bununla bütün dünyaya göstərdi ki, onlar üçün heç bir beynəlxalq təşkilat yoxdur.

2010-cı ildə prezidentlərin görüşündə belə məsələlərdə əsrlər və girovlar dərhal müvafiq şərait yaranan kimi təhvil verilməsi və ya dəyişdirilməsi barədə razılıq olmuşdu. Azərbaycan öz öhtəsinə düşən hər şeyi edib və edəcək də. Ermənistan tərəfi isə hər zaman olduğu kimi bu dəfə də girovlarla ədalətsiz davranır.
Baxın, Azərbaycanın və Ermənistanın beynəlxalq hüquqa olan münasibəti göz qabağındadır. Mən belə başa düşüəm ki, Ermənistan beynəlxalq hüququn "üzünə sillə vurması"na görə teziklə cəzalandırılacaq".

-Ümumilikdə girovlarımız ömürlük həbs oluna bilərmi?

"İstənilən adamın ağlı- fantaziyası hüdudsuzdur. Buna görə də, ermənilər çox şey istəyə bilər. Yəni, konstitusiya, qaydalar, beynəlxalq hüquq, belə prinsiplər insanların ağılsız hərəkətlərini cilovlamaq üçündür. İndi erməni hakimin belə deməsi bir daha sübut edib ki, onlar ağılsızlığını, axmaqlığını cilovlamırlar".

Qeyd edək ki, erməni prokuror tələbinə əsas kimi girovlarımızın sərhəddi "qeyri-qanuni" keçməsi, informasiya yığması, vidoçəkiliş hazırladıqlarını göstərib. O, həmçinin Dilqəm Əsgərovu Smbat Çakanyanın "ölümündə" də ittiham edib.

Xatırladaq ki, bu il iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə yaxınlarının qəbrini ziyarət edərkən Ermənistan Silahlı Qüvvələri tərəfindən girov götürülmüşdü. Digər girov götürülən azərbaycanlı Həsən Həsənov isə öldürülmüşdü.

Fatimə İbrahimova
Ölkə.az