AXCP və Müsavat birləşəcək?

Yola saldığımız 2014-cü il Azərbaycanın siyasi səhnəsində baş verən bir sıra hadisələrlə qaldı. Bunlardan ən çox gündəmi məşğul edən, ən qızğın müzakirələrə səbəb olanı isə Müsavat və AXCP arasındakı siyasi böhran oldu.

Bu məsələ ilə əlaqədar Ölkə.az hər iki cəhbədən olan partiya funksionerlərinin fikirlərini öyrənib.

Xatırladırıq ki, AXP sədri Pənah Hüseyin qarşıdan gələn 2015-ci ildə baş tutacaq parlament seçkiləri ərəfəsində müxalifətin yenidən bir araya gələ biləcəyini bildirmişdi.

2015-ci il parlament seçkisi ərəfəsində Müsavat və Xalq Cəbhəsinin yenidən bir araya gəlib gəlməyəcəyi ilə bağlı iki partiyanın funksiyanerlərinin fikirlərini örgəndik. AXCP sədrinin müavini Fuad Qəhrəmanlı və Müsavat partiyasının məclis üzvü Ölkə.az-da məsələyə aydınlıq gətirdi.

Fuad Qəhrəmanlı: "Real müxalifət bir aradadır. Milli Şura çərçivəsində real müxalifətin əməkdaşlığı mövcuddur. Milli Şuradan kənarda qalanların hakimiyyətlə apardığı dialoq cəmiyyətdə ironiya ilə qarşılandı. Onların iqtidar və müxalifət arasında dialoq olmadığını hətta görüşə qatılmayanar da etiraf etməyə məcbur oldular. İctimayətə müxalifətin kim olduğu bəllidir. Hakimiyyətlə mübarizədə, real prinsipial mövqedən çıxış edən qüvvələrin Milli Şura çərçivəsində əməkdaşlıq formatıdır. Bu məsələ indiki vəziyyət üçün və gələcəkdə də öz həllini tapıb və burdan kənarda hər-hansı əməkdaşlıq axtarmağa lüzum yoxdur. Kimlərsə, hər hansısa siyasi qüvvə, doğrudan da bu hakimiyyətə qarşı səmərəli mübarizə xəttini tutmaq istəyəcəksə, hesab edirəm bunun yolu Milli Şuraya inteqrasiyadan keçir. Milli Şura çərçivəsində real müxalifətin əməkdaşlıq formatı mövcutdur. Kənarda nə qüvvə axtarmağa nə də əməkdaşlıq mexanizmləri axtarmağa ehtiyac var".

Tural Abbaslı: "Artıq həm Müsavat, həm Cəbhə, müxalifətin əsas aparıcı qüvvəsi kimi başa düşməlidirlər ki, ayrı-ayrılıqda bu prosseslərə qoşulmaq mümkün deyil. Seçkilərarası dövrdə xalqın və seçicilərin arasında hər bir partiya özünün daha nüfuzlu, daha güclü oldğunu təbliğ etməyə, göstərməyə çalışır və bəzən bu təbliğat, təqdimat qarşıdurmalara gətirib çıxara bilir. Yalnız 2000-ci ildə AXCP və Müsavat birgə parlamentə getməyib. İndiyə kimi keçirilən 4 parlament seçkisinin 2-də AXCP Müsavat birgə seçkiyə gedib. 2015-ci ildə də istəsələr də, istəməsələr də birgə getməlidirlər, başqa çıxış yolu yoxdur.

2014-cü ildə heç vaxt Cəbhə ilə üz-üzə gəlməyin tərəfdarı olmamışam və çalışmışam bu mövzulardan qaçım. 2015-ci ildə həm Müsavat həm AXCP çalışmalıdır ki, söz atışmaları, qəzet müharibələri dayandırılsın. Kim yaxşıdır, kim pisdir, onu xalq görür. Müxalifət 2015-ci ildə də bir yerdə olmağa məcburdur Parlamentdə 125 deputat yeri var və 125 yerə namizəd vermək lazımdır. Namizəd vermək xətrinə namizəd vermək yox, layiqli namizəd, seçicilrin səsini alacaq namizəd vermək lazımdır.

Nəzərə alsaq ki, hər iki partiyanın regionlardakı strukturları uzun illərin repressiyalarından sonra bir çox yerlərdə zəifləyib, bəzi yerlərdə isə ümumiyyətlə yox olub, onda məcburən hər iki partiya öz resuslarını da bir araya gətirməlidirlər. Mərkəzdə də onların fəaliyyəti birgə koordinasiya olmalıdır, əks təqdirdə xalqın ümüdləri növbəti dəfə də puça çıxacaq".

- Tural bəy, Fuad Qəhrəmanlı açıqlamsında bildirdi ki, müxalifətin bir araya gəlməsi Milli Şuraya inteqrasiyadan keçir.

- Seçkilərə 10 ay qalıb hələ ona görə də, Fuad bəy bir partiya funksioneri kimi bu cür rahat danışa bilər. Eyni şeyi xatırlayıram, İctimai palata çərçivəsində, Azadlıq bloku çərçivəsində. Siaysət zamanına görə atılmalı addımlar kompleksidir. 2015-ci il parlament seçkiləri ərfəsində məlum olsa ki, Milli Şurada təmsilçilik müxalifətə uğur gətirəcək, mən əminəm ki, Müsavat bu addımı atacaq.

Səxavət Məmməd
Ölkə.az