“Azərbaycan, Odlar Yurdu” Kolumbiya mətbuatında

Azərbaycan Respublikasının Meksika Birləşmiş Şıtatlarındakı Səfirliyinin mətbuat xidmətindən Ölkə.Az saytına bildirilib ki, Kolumbiyanın ən tanınmış xəbər portallarından biri olan “reporterosonline.com”-da ölkəmiz haqqında “Azərbaycan, Odlar Yurdu” (Azerbaiyán el País del Fuego) sərlövhəli məqalə dərc olunub.

Məqalədə Azərbaycanın son vaxtlarda iqtisadi inkişafından, əldə etdiyi nailiyyətlərindən bəhs edilir, təbii resurslarından və nəhəng enerji layhələrinin gerçəkləşdirilməsindən ölkənin müstəqilliyinin və iqtisadiyyatının möhkəmləndirilməsi üçün yararlandığı bildirilir.

Ermənistan Azərbaycana qarşı işğalçı siyasətindən bəhs edilərək, bu ölkənin Azərbaycanın Dağlıq Qarabağ ərazisi də daxil olmaqla 20 faiz torpaqlarını işğal etdiyi və Kolumbiya Senatı tərəfindən 2012-ci ildə Ermənistandan işğal olunmuş Azərbaycan torpaqlarından çəkilmək tələb olunduğu qeyd edilir.

Məqaləni //reporterosonline.com/index.php/noticias-del-dia/1287-azerbaiyan-el-pais-del-fuego linki vasitəsi ilə əldə etmək olar.

Ölkə.Az