Kim Çen İnin naziri Bakıya səfər edəcək
Şimali Koreyanın XİN rəhbəri Li Yön Xo bu gün səhər saatlarında Pekinə uçub.
“Ölkə.Az” xəbər verir ki, diplomat sonra Azərbaycan və Rusiyaya səfər edəcək.
Nazir Bakıda keçirilən Qoşulma Hərəkatının konfransında iştirak edəcək. Konfrans 5-6 aprel tarixlərinə təyin edilib. Sonra isə Li Yön Xo Bakıdan Rusiyaya səfər edəcək.
Amma qeyd etmək lazımdır ki, Şimali Koreyanın xarici işlər nazirliyi hələ ki, bu barədə rəsmi məlumat verməyib.
Rusiyanın xarici işlər nazirliyi isə, bir müddət əvvəl Moskvaya Şimali Koreyanın XİN rəhbərinin səfər edəcəyini bildirmişdi.
Hikmət Həsənov
Ölkə.Az
