Obama Suriyaya quru qoşunları göndərməyə hazırdır

ABŞ prezidenti Barak Obama İŞİD-in məhv edilməsi məqsədilə quru qoşunalrı Suriyaya göndərməyə hazırdır

Ölkə.Az xarici mətbuata istinadən xəbər verir ki, bu qərar son zamanlar suriyalı qaçqınlarla bağlı yaranmış vəziyyətlə əlaqələndirilir.

Təxminən 70 minə yaxın suriyalı İŞİD terror qruplaşmasının həmləsindən xilas olmaq üçün Türkiyə sərhədini keçib.

Bildirilir ki, bundan sonra da 100 minə yaxın qaçqının gələcəyi gözlənilir. Təkcə son 3 gün ərzində kürdlər Suriyanın 60 kəndini tərk ediblər.

Hazırda isə islamçılar Qərbi Kürdüstan muxtariyyətinin iri mərkəzi hesab oluna Kobani şəhərinə doğru irəliləyirlər.

General Martin Dempsinin fikrincə, quru qoşunların işə müdaxiləsi zəruridir.

"Obama təsəvvür etmədiyi qədər irəli getmək fikrindədir", - deyə general Obamanın İraqa 2000 əsgərin göndərilməsi fikrini dəstəkləyib.

Qeyd edək ki, ABŞ Senatı Suriyada İŞİD ilə mübarizəyə yönəlmiş müxalif qüvvələrin silahlandırılması, maliyyələşdirilməsi və təlimatlandırılmasını nəzərdə tutan qanun layihəsini təsdiq edib.