Mədət Quliyev prezident seçkilərində səs verdi
Dövlət Təhlükəsizliyi Xidmətinin (DTX) rəisi, general-leytenant, Azərbaycanın milli qəhrəmanı Mədət Quliyev Prezident seçkilərində səs verib.
“Ölkə.Az” Report-a istinadən məlumatına görə, M.Quliyev həyat yoldaşı ilə birlikdə 36 saylı dairənin 3 saylı məntəqəsində səsvermə hüquqlarından istifadə edib.
"Azərbaycan dünyada ən təhlükəsiz dövlətlərdən biridir. Azərbaycanın daxilində heç bir təhlükə yoxdur".
Bunu Dövlət Təhlükəsizliyi Xidmətinin rəisi, general-leytenant Mədət Quliyev deyib.
Onun sözlərinə görə, yalnız ölkədən qıraqda Azərbaycana qarşı siyasət aparanlar var:
"Bunun da ki, ölkə rəhbərliyi tərəfindən qarşı alınır. Hazırda heç bir təhlükə yoxdur. Hamı rahat şəkildə səsvermədə iştirak edə bilir".
Qeyd edək ki, hazırda ölkədə prezident seçkiləri keçirilir.
