MDB dövlətlərinin antiterror təlimləri bu ölkədə keçiriləcək

MDB dövlətlərinin "Jetısu-Antiterror-2014"- birgə antiterror təlimlərinin ikinci mərhələsi bu il sentyabrın 9-da Qazaxıstanda keçiriləcək

Bu barədə BELTA MDB Antiterror Mərkəzinin mətbuat bürosuna istinadən xəbər verir.

Anterror təlimlərinə Belarusda start verilmişdi. Təlimlərin yekun mərhələsində girovların azad edilməsi və şərti terrorçuların saxlanılması üzrə əməliyyat keçiriləcək.

Azərbaycan milli təhlükəsizlik nazirinin müavinləri, Qazaxıstan Milli Təhlükəsizlik Komitəsinin sədri Nurtay Abıkayev, MDB dövlətlərinin Antiterror Mərkəzinin rəhbəri Andrey Novikov, digər MDB ölkələrinin müvafiq qurumlarının, eləcə də bir sıra beynəlxalq təşkilatların nümayəndələri ikinci mərhələni müşahidə edərək qiymətləndirəcəklər./Trend/

Ölkə.Az