İlham Əliyev Qarabağ münaqişəsinin həlli barədə danışdı

Dağlıq Qarabağ münaqişəsini ATƏT-in Minsk Qrupunun təklif etdiyi güzəşt əsasında həll etmək lazımdır.

Bunu Azərbaycan Prezidenti İlham Əliyev erməni prezident Serj Sarkisyan və rusiyalı həmkarı Vladimir Putinlə üçtərəfli görüş zamanı bildirib.

İlham Əliyev həmçinin qeyd edib ki, Dağlıq Qarabağ münaqişəsinin həllində ATƏT-in Minsk Qrupu da iştirak edir, tərəfləri yaxınlaşdırmağa çalışır, “lakin bu hələlik yaxşı alınmır”.

“Bu münaqişə öz həllini tələb edir, o çox uzanıb. Və ümid edirəm ki, sizin şəxsən iştirakçınız danışıqlar prosesinə yeni təkan verəcək. Qeyd etdiyiniz kimi, artıq danışıqlar formatı mövcuddur, həmçinin münaqişənin nizamlanması üçün hüquqi baza var. BMT Təhlükəsizlik Şurası erməni işğalçı qoşunlarının Azərbaycan ərazilərindən dərhal və qeyd-şərtsiz çıxarılmasını tələb edən dörd qətnamə qəbul edib.

Təəssüf ki, 20 il keçsə də, bu qətnamələr hələ də kağız üzərində qalıb... Düşünürəm ki, Rusiya bizim yaxın dostumuz, tərəfdaşımız və qonşumuz kimi nizamlama prosesində əlbəttə xüsusi rola malikdir. Ümid edirik ki, yaxın vaxtlarda danışıqlar yolu ilə, dinc yolla həm beynəlxalq normalara, həm də ədalətə uyğun olacaq həlli tapa biləcəyik”, - deyə, İlham Əliyev bildirib.

Ölkə.Az