Ekspert: "Bu addım Rusiyanın daha da ağır vəziyyətə düşməsinə gətirib çıxaracaq"

Rusiya Avropada Adi Silahlı Qüvvələr haqqında Müqavilə üzrə Birgə Məsləhət Qrupunun işində iştirakını dayandırıb.

Rusiyanın bu addımını hərbi ekspert Üzeyir Cəfərov Ölkə.Az-a şərh edib.

Üzeyir Cəfərov: "Rusiya hər gün yeni bir şey uydurur ki, onların haqları pozulur, hüquqları tapdanır. Əslusiya problemləri özü özünə yaradır. Rusiyanın Ukrayna ilə bağlı atdığı addım bir daha bütün dünyaya göstərdi ki, rəsmi Moskva özünü çox qeyri-səmimi aparır.

Rusiya bu müqavilədən imtina edəcəksə öz-özünə problemlər yaradacaq. O problemlər sonradan Rusiyaya çox baha başa gələcək. Dünya bundan sonra Rusiyanın atacağı addımlara adekvat cavablar verəcək. Rusiya əleyhinə yeni sanksiyalar hazırlanır, ona görə də rəsmi Moskva bu tip məsələlərdə nə qədər ağıllı addımlar atsa, onun üçün daha yaxşı olar. Ancaq hələlik görünən odur ki, Rusiya davranışlarında düzəliş etmyi düşünmür. Əgər bu belə davam etsə yəqin ki, Rusiyaya qarşı əlavə sanksiyalar tətbiq olunacaq.

Müqavilədən çıxmaq isə o deməkdir ki, artıq Rusiya bir sıra ölkələrlə açıq konfrantasiyaya gedir və bu da Rusiyanın daha da ağır vəziyyətə düşməsinə gətirib çıxaracaq".

Attila
Ölkə.Az