Politoloq: \"Amerika İranın işə qarışmasının tərəfdarıdır\"

"İranın müdaxiləsi İŞİD-in geri çəkilməsinə səbəb olacaq"

"Bəllidir ki, Amerika İŞİD-ə qarşı quru əməliyyatlarında iştirak etmir, ancaq havadan bombalayır və o, çox istəyərdi ki, quruda da İŞİD-lə mübarizə aparan başqa qüvvələr olsun".

Bu sözləri Ölkə.az-a politoloq Zərdüşt Əlizadə deyib.

"2003-ci ildən 2014-cü ilədək Amerika İraq ordusuna milyardlarla dollar pul xərcləyib. Bu ordu isə İŞİD-in qarşısında dağıdılıb, qaçıb, əsir düşüb və.s.

Buna görə də, Amerika İranın işə qarışmasının tərəfdarıdır. Onlar bununla İraq ordusunu qorumağı düşünürlər. Nəticədə isə İranın müdaxiləsi İŞİD-in geri çəkilməsinə səbəb olacaq. Bu da Amerikanı razı salır".

Qeyd edək ki, İran İraqdakı şiələri İŞİD-dən qorumaq üçün yeni hərbiləşdirilmiş qruplaşma yaradıb.

Məlumata görə, "Əl-Xorasani korpusu"na İran İslam İnqilabını Mühafizə Korpusunun generallarından Həmid Takhavi komandanlıq edəcək.

Fatimə İbrahimova
Ölkə.az