Politoloq: "İran nəyisə reallaşdıra bilmirsə, bu onun maliyyə çatışmazlığına görədir"

"Bundan sonra 100 dənə də sanksiya tətbiq olunsa, bu İran-Azərbaycan münasibətlərində heç nəyi dəyişməyəcək"

"Sanksiyalar İranın taleyinə çox ciddi təsir edir. İran kifayət qədər böyük ambisiyası olan dövlətdir. Əgər İran nəyisə reallaşdıra bilmirsə, bu onun maliyyə çatışmazlığına görədir".

Bu sözləri Ölkə.Az-a danışan politoloq Mübariz Əhmədoğlu İrana qarşı davamlı tətbiq olunan sanksiyaları şərh edərkən deyib.

"Sanksiyalar xarici investorların ölkəyə gəlməsinə mane olur. Və bu da ölkənin iqtisadiyyatına ciddi təsir edir. İran 1979-cu ildən bəri sanksiyalar altındadır. Ara-sıra saksiyalar dayansa da, yenidən davamlı tətbiq edilir. 1992 ildən Azərbaycanla İran arasındakı iqtisadi və siyasi əlaqələr davam edir.

Azərbaycan müstəqil olduqda İran Azərbaycanın ilk iqtisadi tərəfdaşı olub.

Keçən il İranda yeni prezident seçildikdən sonra hədsiz iqtisadi ideyalar təklif edildi. Bu da o deməkdir ki, İrana bundan sonra 100 dənə də sanksiya tətbiq olunsa da, bu İran-Azərbaycan münasibətlərində heç nəyi dəyişməyəcək".

Fatimə İbrahimova

Ölkə.Az