Politoloq: \"Bundan sonra Putinin Türkiyəyə səfər etməsi sual altındadır\"

Rusiya prezidenti Putinin dünən yayımladığı bəyanatında "erməni soyqırımı" sözünü işlətməsi Türkiyədə böyük səs-küyə səbəb olub.

Türkiyə höküməti Putinin bu çıxışına sərt reaksiya verib. Rusiya-Türkiyə münasibətlərinin istiləşdiyi bir vaxtda Putinin bu çıxışının nəticələri maraqla gözlənilir.

Putinin "soyqırım bəyanatı" və Türkiyənin buna reaksiyasını politoluq Vəfa Quluzadə Ölkə.az-a şərh edib.

Vəfa Quluzadə: "Putin dünənki çıxışında soyqırım sözünü işlətdi. Türkiyə xarici işlər naziri də bildirdi ki, Rusiya öz törətdiyi soyqırımların sayını bilməlidir. Soyqırım törədən ölkə Rusiyadır, Türkiyə deyil. Bu olanlar Rusiya ,Türkiyə və bölgəyə çox mənfi təsir edəcək. Bundan sonra Putinin Türkiyəyə səfər etməsi sual altındadır".

Politoloqun sözlərinə görə, Putinin bu çıxışı Türkiyə ilə Rusiya arasındakı iqtisadi münasibətlərə də öz mənfi təsirini göstərəcək.

"Türkiyə başa düşməlidir ki, Rusiya qazından aslı olmaq olmaz. Ona görə də Türkiyə başqa yollar da axtarmalıdır", deyə politoloq bildirib.

Səxavət Məmməd
Ölkə.Az