Partiya sədri: "Con Kerri kimi axmaqlara fikir vermək lazım deyil"

Antiazərbaycan kampaniyasının ABŞ dövlət katibi Con Kerrinin ofisindən idarə olunması ilə bağlı sənədlər artıq bir neçə gündür ölkə mediasının gündəmini zəbt edib.

Bu məsələyə aydınlıq gətirmək üçün Ölkə.az tanınmış siyasətçi, analitik, millət vəlilləri və ictimai xadimlərdən münasibət öyrənməyə davam edir.

Bu dəfə isə bu beynəlxalq siyasi qalmaqalı Azərbaycan Sosial Demokrat Partiyasının sədri Araz Əlizadə Ölkə.az-a şərh edib.

Araz Əlizadə: "Con Kerrinin ağlı olsa idi, seçkilərdə Corc Buşa uduzmazdı. O zaman Kerrinin reytinqi Buşun reytinqindən yüksək idi, seçki kompaniyasında da hamıdan çox pul yığmışdı. Ancaq Kerri axmaqcasına seçki kampaniyası apardı və uduzdu. ABŞ-ın xarici siyasətinə baxanda görürürük ki, Hillari Klinton nə tökübsə, Con Kerri də onu yığıb. ABŞ bu dəqiqə xaos yaradmaqla məşğuldur. Ona görə də bu cür insanın hərəkətlərinə fikir vermək lazım deyil".

Səxavət Məmməd
Ölkə.az