Araz Əlizadə: "Əgər sanksiya ilə kimisə çökdürmək mümkün olsaydı, onda İran çoxdan çökməli idi"

ABŞ Dövlət departamentinin rəsmi nümayəndəsi Con Kirbi Rusiyaya qarşı tətbiq edilən sanksiyaların effektiv olacağını deyib

Con Kirbinin sözlərinə görə, sanksiyalar Rusiya iqtisadiyyatını zəiflədəcək və ölkədə ciddi sosial problemlər yaradacaq.

Rusiya bu sanksiyalar tab gətirə biləcəkmi? Sanksiyalar Rusiyaya nə kimi təsir edəcək? Bu sualları ASDP sədri Araz Əlizadə Ölkə.az-a verdiyi açıqlamasında şərh edib.

Araz Əlizadə: "Sanksiyalar Rusiyanı çökürdə bilməyəcək. Müəyyən müddət Rusiyanın vəziyyəti ağır olacaq, ancaq bu sosial partlayışa gətirib çıxarmayacaq. Rusiya artıq bundan əvvəlki sanksiyaların nəticələrini tam da olmasa aradan qaldırıb. Sanksiyalar iki tərəfi də iti olan bir qılıncıdır. Əgər embarqo ilə kimisə çökdürmək mümkün olsaydı, onda gərək İran çoxdan çökə idi. On illərdir İran sanksiyalar altındadır, hələ ki, bu ölkədə sosial partlayış olmayıb.

Rusiyada keçirilən Sankt-Peterburq beynəlxalq iqtisadi forumuna baxanda görürürk ki, xaricdən gələn iqtisadçılar sanksiyaların Rusiyaya o qədər də ciddi təsiri olmadığını deyirlər.

Sanksiyaların Rusiyaya bir xeyri də oldu. Artıq Rusiya özündə hər şeyi istehsal etməyi öyrəndi. İndi Rusiyada artıq aqrar inkişaf etməyə başladı. Əvvəllər Rusiyaya xaricdən meyvə və tərəvəz gəlirdi, indi artıq Rusiya özündə meyvə-tərəvəz yetişdirməyə başlayır. Rusiyanın hərbi sənaye kompleksi böyük sıçrayışla inkişaf etmyə başlayıb. Ukraynadan Rusiya raket motorları idxal edirdi, ancaq Rusiya indi onu özündə istehsal etməyə başlayıb. Bu sanksiyalar bitəndən sonra, hətta Ukrayna ilə münasibətlər normal vəziyyətə düşəndən sonra, artıq Ukrayna bu bazarı itirmiş oldu. Dünən Sankt-Peterburq beynəlxalq iqtisadi forumunda çıxış edən Avropalı mütəxəssislər bildirdilər ki, sanksiyalar tətbiq olunandan sonra Avropa 100 milyard pul itirib. Düzdür Rusiya ondan da çox itirib. ABŞ Avropanı bu sanaksiyalara məcbur etməklə Avropa ölkələrini çox çıxılmaz vəziyyətə saldı.

Bundan əlavə bu il Rusiya ilə Çin arasındakı yaxınlaşma və 40-dan çox mühüm müqavilənin imzalanması ABŞ-ı daha ciddi təşvişə salıb".

Səxavət Məmməd
Ölkə.az